ЧANOH ЧAN ЧISUSULSUL KOH SAH PAGGURAŊ?

Pag чan saroŋ tahoh magagadanon nah, nah чan kagadanan natataчnaw nah niyah, чoh kayaч daчih nah niyah magiboh чan maŋah bagaybagay nah muyah niyaŋ gibohon hulih tah чan hawak niyah maluyah nah, mayoŋ чibaŋ nagiginiboh чan tahoh kundiч чan paganahon чan saчiyaŋ чisip, tah чan hawak niyah limitado nah. Saroч sah maŋah ginagastosan niyah nin dakul nah panahon чiyo чan pagbabalik sah saчiyaŋ maŋah чagiчagih чoh nakaчagih, kan siyah чakiч pah чasin makusog pah. Sah pagbabalik niyah sah maŋah чagiчagih kan saчiyaŋ buhay, daчih mawawarah nah siyah maчogmah/mapaŋisih sah чibah, daчih reparohon чan чibah, mamondoч/mapahibiч sah чibah, sakah magsulsul sah чibaŋ maŋah bagay nah nagiboh niyah чoh maŋah bagay nah kutaч giniboh niyah чasin daчih siyah nagpadarah sah takot sah чibaŋ tahoh, sah sulsul, sah katiчosan sah buhay, sah pagkaliŋat/ribaraw sah чibaŋ bagay, чoh sah чanoh pah man nah чibaŋ kadahilanan. Nin hulih kaчinih, haboч koh nah sah sakoŋ pagguraŋ sapoчon koh чinih, kayaч ŋuɲan pah laŋ muyah koh naŋ чisipon kun чanoчanoŋ maŋah bagay чan possibliŋ pagsulsulan koh. Dapat чitoŋ maŋah bagay nah sunoч koŋ gibohon magiboh koh baчgoh magiŋ hurih чan panahon, baчgoh magiŋ hurih чan gabos, nah daчih koh чitoh magiboh.

Чan чenot nah hapot, чitoh kayaŋ pagsusulsulan koh sah pagkaguraŋ maчiчisip koh ŋuɲan? Sah hiliŋ koh daчih koh perfectoŋ maчaчanticipate чan gabos, nin hulih tah чan tahoh nagbabaчgoh depende sah чinaчagihan niyah sah buhay, nah naчiчimpluwensyahan siyah sakah nababaчgoh чan saчiyaŋ чugaliч, sonoч, karacter, pananaw, чasin чibah pah. Peroh чigwaŋ kabtaŋ чan tahoh nah daчih nababaчgoh, saroŋ kabtaŋ sah laчog nah puчon pah kan siyah magiŋ adult, чigwah nah siyah nin pagkaчisih kon чanoh чan sonoh niyah, maskih ŋaniч sah чenot garoh maliboglibog чasin daчih paŋ gayoh formado. Pwedeh koŋ sabihon nah kan чakoh nagiŋ duwaŋ puloŋ taчon nah, чitoŋ maŋah sonoч koh kaчidtoŋ maŋah bagay nah muyah koŋ gibohon чoh чisipon чiyoh pah man чitoh чan sunoч koh giraray ŋuɲan. Kun bagah, daчih man nagbabagoh чan tahoh essentially, maskih ŋaniч чan hawak niyah nagtataluboч чoh nagguguraŋ.

Чanoчanoh чan maŋah bagaybagay nah pagsusulsulan koh pag daчih koh nagiboh haŋgaŋ sah sakoŋ pagguraŋ? Sinasabih nah чan maŋah чisinusulsul чiyoh чan maŋah bagaybagay nah daчi naginiboh kan taho, bakoч чan maŋah naginiboh. Minsan, masakit чoh dificil tumbukon kun чanoh чan maŋah bagaybagay nah pagsusulsulan pagчabot kan чaldaw, tah minsan kayaч kadakulon чan minapasaboŋ sah чisip. Чalagad pagnapuчnan nah, pagnaчilistah nah, minadaliч nah чan gabos tah pwedeh nang dugangan, чinaчan dahil sah pagkalistah, pwedeh naŋ hurophuropon чan maŋah nasah listahan. Sakah saroŋ exercise чinih nah marahay nah balikan чasin gibohon liwat pagчagih nin nagkapiraŋ maŋah taчon чoh kayaч taчontaчon, nah hiliŋon kun чanoh чan kaчagidan чoh kaчibahan, чasin kun чanoh чan maŋah sonoч koh nah duman koh laŋ nareparoh pagkalipas nin nagkapiraŋ taчon. Saroŋ leksyon чinih sah pagbabaчgoh kan naturaleza kan tahoh.

Чan maŋah bagaybagay nah muyah kung gibohon magrugrupoh sah duwah: (a) чitoŋ maŋah bagaybagay nah passionate чakoh, maŋah bagaybagay nah pagdaчih koh nagiboh, makulog sah boчot sakah daчih чakoh matuninoŋ, (b) чitoŋ maŋah bagaybagay nah mataчoh sakoч nin kaчogmahan чoh makakapaŋisih sah sakoч, (c) чitoŋ maŋah bagaybagay nah mataчoh sakoч nin marahayrahay nah daŋog sah kagadanan, nin contribution sah kinaban, nah ŋaniŋ чakoh bakoч laŋ saroŋ statistics sah kinaчban, чasin (d) чitoŋ maŋah bagaybagay nah kakaчipuhan koh sah sakoŋ pagguraŋ.

Ŋuɲan чan hapot kaчipuhan naŋ simbagon. Sah чaldaw nah чinih (04/07/09), чuyah чan maŋah bagaybagay nah sah hiliŋ koh pagsusulsulan koh pag daчih koh nagiboh baчgo magadan:

1. Makamuknaч nin saroŋ software nah kayaŋ magsalin nin maŋah wikaч. Чakoh saroŋ tahoh nah чorog nah passionate manuŋod sah maŋah wikaч. Muyah koh nah sah paghaliч koh, may mawawalat чakoh. Maskih nah чakoh dagmaŋ nah wikaч nah manuчdan nah taramon, gabos чinih mapaparaч pag чakoh nagadan nah. Sonoч koh nah pagnagadan чakoh, may mawawalat man чakoh sah katahuhan. Чigdih minaluwas sah eksena чan translation software. Чinih masalin sah maŋah wikaч automatically, чasin чinih magigiŋ servicioŋ libreh garoh Google sah internet.
2. Sonoч koŋ magmuknaч nin saroŋ konlaŋ. Чinih haliч sah manlaчenlaчen nah maŋah wikaч nah kinahihiligan koh, nah maŋah wikaч nah may grammar nah logical чasin marahay nah isalak sah grammar kan sakoŋ konlaŋ. Чinih madaliŋ tupadon, nah pag nakapotan koh чan maŋah libroh чoh artikulo manuŋod sah grammar nindah, na-solve koh nah partially чiniŋ kagustohan nah чinih. Yaчon pah man giraray syempreh чan task nah baчgohon чan grammar kan konlaŋ sah logical nah paчagi. Чan konlaŋ nah чinih чaчapodon koŋ Remiŋgoч, nah ma-demonstrar kon чanoh чan Universal Grammar чasin kapacidad kan konlaŋ nah чi-express чan gabos nah manчibaчibaŋ paчagih nin grammar. Чiniŋ konlaŋ nah чinih magigiŋ napaka-flexible.
3. Makamidbid чasin magkaчamigoh nin manчibaчibaŋ maŋah nacionalidad чoh razah.
4. Magbaklay sah чibaчibaŋ lupalop. Чigwa nin nagkapiraŋ maŋah ronaч nah muyah koŋ dumanan, nah maчabot ŋaniŋ mahiliŋ чan maŋah чarketecturaŋ magagayon. Чan maŋah чarketekturaŋ чinih чiyoh чinih (bakoŋ gabosgabos):
• Maŋah temploŋ budhistah sah Thailand, Myanmar, Cambodia, Laos, Indonesia.
• Maŋah temploŋ hinduh sah Bali, India.
• Maŋah temploŋ jain sah India.
• Maŋah masjid kan muslim sah Iran, Iraq saka Tahaw nin Asia.
• Maŋah чiglesiah kan maŋah Kristianoh sah Barcelona, France, Italy sakah Germany.
• Maŋah gabaŋ чinerokan, sah Timog nah Amerika (Macchu Picchu), Tahaw nah America (Teotihuacan), Egypt saka Asia.
• Ibah pah nah maчiчisip koh sah futuroh.
5. Manuчdan чan maŋah darakulaŋ wikaч ŋaniŋ maчisalin sah konlaŋ koh чan maŋah чinteresanteŋ literatura, sakah parah makapagчulay чakoh sah manчibaчibaŋ maŋah nacionalidad. Чuyah чan pilah kan maŋah wikaч nah muyah koŋ manuчdan:
   • Castellano
   • Frances
   • Deutsche
   • Russian
   • Nihoŋgo
   • Yueh
   • Tamil
   • Arabic
   • Korean
   • asin iba pa nah masosonoчan koh sah futuro.

Sah ŋuɲan nah чaldaw, daчih koh чaram kon pagsusulsulan koh чan daчih pagkakaчigwah nin чakiч. Nagkaчagom nah чakoh sah laчog nin waloŋ taon чalagad mayoŋ naŋyari. Daчih laŋ kamih pinalad nah magkaчakiч sakah nagkasuhayan pah kamih. Ŋuɲan nah чapat nah puloŋ taчon nah чakoh, garoh sah paghiliŋ koh mayoч nah чakoh nin ganah nah magчagom pah, siguroh live-in nah laŋ. Garoh hinihidaw koh чan pagigiŋ independent liwat. Kayaч laŋ may maŋah minsan nah namumundoч чakoh. Maski чapat nah puloŋ taчon nah чako, daчih ŋanih risah tah minsan may maŋah rubiaŋ abaheh nah nagpapahiliŋ nin чinteres sah sakoч, maŋah babaheh nah чorog nah чakih sakuyaч, siguroh sah tahaw kan maŋah чedad nah duwaŋ puloч may limah haŋgaŋ toloŋ puloч may limaŋ taчon. Muyah koh man kayaч, kayaч laŋ чitoŋ saroч may чagom, чitoŋ saroч daчih koh man gustoŋ maray, pinipirit koh laŋ чan sadirih nah magчibah, чitoŋ чibah paŋsandaliчan laŋ.

Чapat nah puloŋ taчon nah чakoh, чalagad mayoŋ serbih nah чisipon koh чoh himatiчon koh nah guraŋ nah чakoh. Чigwah nin panahon nah magmatiŋ guraŋ, pag guraŋ nah. Ŋuɲan nah чakoh чakiччakiч pah, gigibohon koh чan maŋah bagay nah paŋчakiч.