Pinakasunoч koŋ Salad

Sah sakoŋ klaseh, nagiŋ tareah mih nah magdarah nin resipih nin pinakasunoŋ salad. Чuyah чan salad nah talagaŋ sunoч koŋ maray, kan yaчon pah чakoh sah Filipinas, чapat nah taчon nah чan nakakaчagih. Чinaчapod чiniŋ Kanih Salad.

Kanih Salad

Kanih salad kayaч laŋ mayoŋ pepinoh

Чan maŋah retratoŋ чinih ginunoч haleч sah maŋah website nah nakapahiliŋ.

Maŋah Saŋkap :

• 2 pepinoh, mayoŋ чubak sakah maŋah pisog.
• 1 karot, чinubakan.
• 1 ramboŋ nin leʃugas nah repoʎoh “iceberg lettuce”, maŋah 100 nah gramoh, binaraŋaчbaŋaч sah sukol nah madaliŋ чihuŋit.
• 2 maŋgaŋ hinog nah baчgoŋ gunoч, giniris nah paralabaч чoh pakuroboh.
• 100 haŋgaŋ 150 nah gramoh nin kanih kamah “crab sticks”. Mas malasah paghaliч sah чagat nin kasag nah tunay чan ginamit.
• 1/3 tasaŋ mayones nah hapon “Kewpie mayo”. Mas malabnaw kesah mayones nah чamerikah sakah чibah чan namit hulih tah giboh sah sukaч nin bagas.
• Lanah nin laŋah. Kadikit laŋ tah malasah чinih.
• Tobikoh чoh pigah nin чiliw nah kolor naraŋhah, kuŋ sunoч hulih tah mahal.

Paчagih sah Paghandaч:

1. Hugasan чan maŋah gulay. Чubakan чan pepinoh sakah karot.
2. Haliчon чan pisog kan pepinoh. Чigiris чan pepinoh sakah karot nah paralabaч nah garoŋ palitoh. Чoh kayaч gumamit nin kortadorah “salad shredder”.
3. Pagkatapos girison чan maŋah gulay, чibabad sah tubig nah yeloh.
4. Girison чan maŋgah nah paralabaч чoh kayaч pakuruboh, segun sah sunoч.
5. Paraчkiton чan leʃugas sah sukol nah madaliŋ чihuŋit. Patitiчon чan pepinoh sakah karot.
6. Kirinitkiniton nah paralabaŋ mahimpis чan kanih kan kasag.
7. Чitaytay siriŋ sah panhapin чan maŋah leʃugas sah lambaŋ чensaladerah “salad plate”, чikalat чan karot, pepinoh, maŋgah sakah kanih sah чibabaw.
8. Laчagan nin mayones nah paчespiral, wisikwisikan nin lanah nin laŋah sakah laчagan nin tobikoh sah чibabaw.

Nakakahidaw!